أرفض حفيدتي تشتغل رقاصة.. فيفي عبده تكشف عن أسرار حياتها في حبر سري
كتبت/ مي السايح
حلت الفنانة فيفي عبده، ضيفة في برنامج حبر سري مع الإعلامية “أسما إبراهيم”، كشفت خلال الحلقة العديد من أسرارها ونجاحها المتواصل، كما كشفت عن رفضها التام لأن تصبح حفيدتها راقصة، لانها ترى أنها مهنة مرهقة.
قالت فيفي خلال لقاءها أن حفيدتها وصلت لمكانة علمية كبيرة، حيث انها تدرس السياسة والاقتصاد وعلقت: “مش ممكن أسمح لها بده وهي اتعلمت وأنا اتبهدلت في الشغل عشان أوصل لمكانتي حاليا”.
وتابعت: “الرقص الشرقي كان زمان له جمهور وقيمة عن دلوقتي وعشان كده متقليش ولا راقصة مصرية الآن، وأنا برقص في البيت، ومصر كانت مليانة راقصات ودلوقتي وكفاية المهاجمة للرقص طوال الوقت والكتاب يطلعوا أي واحدة عايزة تنحرف تبقى رقاصة ودي نقطة ضعف”.
كما تحدثت عبده عن الخيانة الزوجية، وقالت: “الرجالة كلها بتخون واللي تقول مش بيخون وماشي على الصراط المستقيم مش صحيح، ولابد الراجل يكون عنده نزوات، وبتبقى قمر وتتخان والمفروض تعمل نفسها مش عارفة”.
تابعت فيفي: “الست لو واجهت الراجل بخيانته أكبر غلط لها في الحياة، الحياة دلوقتي صعبة ونسبة الطلاق عالية جدا، وهي حقها تفتش وراها وحقه يخلي باله من مراته ولكن الست لازم تفهم ولو عرفت أنه بيخونها تطنش”.
