دينا الشربيني: ضيوف الشرف في مسلسل “كامل العدد +1” هيكونوا مفاجأة
كتبت/ نوران عسكورة
تحدثت الفنانة دينا الشربيني عن مسلسلها “كامل العدد +1” الذي تشارك به في رمضان 2024، وكشفت عن ظهور عدد كبير من ضيوف الشرف الذين سيكونون مفاجأة للجمهور.
قالت دينا الشربيني: “هيظهر ضيوف شرف كتير هيكونوا مفاجأة للجمهور، والفنانة ميمي جمال إضافة كبيرة للعمل”.
أضافت دينا متحدثة عن كواليس التصوير: “كل المواقف اللي حصلت في المسلسل كنا بنضحك عليها بجد، مشهد “الفلاية” كلنا بقينا بنهرش غصب عننا جاتلنا حالة”.
تابعت قائلة: “غياب مصطفى درويش أثر علينا وكان صعب جدًا، وكنا بنفكر لما هنعمل الجزء التاني هنعمل إيه لأننا كنا عيلة، لكن الكتاب لقوا طريقة حلوة أنه يكون معانا، هو موجود معانا طول الوقت وحتى الطفل الصغير اسمه عمر”.
اختتمت حديثها: “كان هدفي من مسلسل “كامل العدد” إن الناس كلها كعيلة تتجمع وتتفرج على مسلسل واحد زي زمان، كنا نقعد الأب والجد والجدة والأطفال، الحمد لله حققنا الهدف ده السنة اللي فاتت ويارب الناس تستمتع ويقضوا وقت مع بعض”.
