بسنت شوقي ترد علي الإنتقادات: أنا بتكلم انجليزي طول الوقت
كتبت/ هاجر الأهواني
ردت الفنانة بسنت شوقي على الانتقادات التي توجه لها بسبب استخدامها لكلمات باللغة الإنجليزية عديدة أثناء حديثها، وقالت إن هذا الشيء خارج عن إرادتها.
صرحت بسنت شوقي خلال لقائها في برنامج “تفاعلكم 25 سؤالا” قائله: أنا متفهمة أن الناس ممكن تكون بتضايق إني بستخدم كلمات إنجليزي أكتر من العربي لكن دي البيئة اللي أنا اتربيت فيها”.
تابعت: “أنا في البيت عندي مع أهلي حتى لما بنتخانق بنبرطم بالإنجليزي، اتعودت على كده حاولت كتير وبشتغل على الموضوع لكن الناس بتتخيل إني بعمله منظره”.
واضافت: “لكن حقيقي صعب ومش شطارة مني ومش حاجة فخورة بيها، لكن في جمل بتيجي في مخي بالإنجيلزي وعشان أقعد أترجمها هاخد وقت كتير”.
كما ردت أيضاً خلال البرنامج على ظهورها بملابس يصفها البعض أنها جريئة وقالت: “فكرة الملابس جريئة أو لأ ليها علاقة بالذوق وتربية الإنسان اللي ممكن يكون جريء بالنسبة لناس بيكون مش جريء لناس تانية”.
وكشفت بسنت شوقي أنها تنزعج من حديث البعض عن فارق العمر بينها وبين زوجها الفنان محمد فراج وقالت: “بنزعج من اللي بيتقال إني أكبر من محمد فراج لأنها مش حقيقة كمفهوم أنا معنديش مشكلة وصريحة لكن دي لو حقيقة هطلع أقولها لأني فخورة بنفسي لكن اللي يزعجني أن اللي بيتقال مش حقيقي”.
الجدير بالذكر أن، بسنت شوقي تشارك في مسلسل “بابا جه” للفنان أكرم حسني الذي يشارك به في رمضان 2024.
بطولة أكرم حسني، نسرين أمين، سماء إبراهيم، فريال يوسف، محمود البزاوي، محمد أوتاكا، والطفلة لافينيا نادر، وآخرين من الفنانين وضيوف الشرف والعمل من تأليف وائل حمدي وإخراج خالد مرعي وإنتاج شركة ميديا هب سعدي – جوهر.
