دينا تثير الجدل في آخر تصريح لها: “كل بيوت مصر تربية واحدة ست”

كتبت / أسماء حليمة

أعربت الفنانة دينا عن رأيها في الفرق بين تربية الرجال والنساء، كما كشفت عن رأيها في طبيعة عمل نجلها، التي يعمل بمهنة الطبخ.

قالت دينا في حوارها لها عبر برنامج الستات: “كل بيوت مصر تربية واحدة ست، مصر كلها اللي مربياها واحدة ست، لآن الراجل أساسا مش موجود، الراجل بيطلع يروح شغله ويرجع بليل مبيربيش والست هي اللي بتربية وأنا مش بقلل من وجود الرجالة”.

وجهت دينا نصيحة للسيدات عن الانفصال: “الرجالة بعد الانفصال مبتكونش موجودة، ولو عايزين يربوا عيالهم ياخدوهم خميس وجمعة، يشاركوا في تربيتهم، مبنصحش أن يكون فيه طلاق، وكل ما واحده صاحبتي تقولي هطلق بقولها بلاش ابنك لما يوصل 12 سنة مش هتقدري عليه”.

تابعت دينا: “ابني تأثر بعدم وجود والده، وافتقد وجوده طبعا، وعدم وجود الأب حاجة صعبة جدا وصعبة عليا أنا كمان، وأنا ربيت علي ابني على أنه يبقى راجل ويعتمد على نفسه، ومخلتهوش مرفه، وكنت صارمة في تربيته، والأم بتفضل خايفة على والدها لحد ما يكبروا”.

آخر أعمال دينا

يعد آخر الأعمال التي قدمتها الفنانة دينا مؤخرًا هو فيلم “عادل مش عادل”، ولم يحقق العمل إيرادات في السينما، وتم سحبه فهي تنتظر عرض فيلمين داخل دور العرض السينمائي، وهما «كتف قانوني»، و«عادل مش عادل»