“زمان كنا بنطلع عريان”.. مشيرة إسماعيل توضح رأيها في ملابس الفنانات
كتبت/ بسمة غربية
تحدثت الفنانة مشيرة إسماعيل، عن ارتدائها الحجاب منذ سنوات، ورأيها في ملابس الفنانات حاليًا.
قالت مشيرة إسماعيل، في تصريحات صحفية: “ارتدائي الحجاب سر بيني وبين ربنا، وزمان كنا بنطلع عريان والبكيني في التصوير، وكنا ساعات بنلبس عريان وساعات مقفول، لكن كان مقبول لأننا كنا صغرين”.
تابعت الفنانة: “فنانين دلوقتي صغيرين ومقبول منهم يلبسوا براحتهم، ومسيرهم في يوم من الأيام مش هيلبسوا عريان، وكل واحد حر في حياته، وطالما حاجات لايقة عليهم ومش مبتذلة فعادي”.
تطرقت مشيرة للحديث عن سبب غيابها عن التمثيل منذ عام 2017، وقالت:” اللي بيتعرض عليا دون المستوى، وكتير بيكتبوا إني اعتزلت، ومش حقيقي، لكن اللي في سني كله قاعد في بيته لأن مفيش حاجة تنفعنا”.
أردفت الفنانة: “أنا وجيلي واللي قبلي قاعدين في بيوتنا والأعمال مش في المستوى اللي نشتغله، وأنا مش بتاعة إني أكلم حد ودي حاجة خارجة عن إرادتي مين ممكن في مستوانا يكلم مخرج عشان يشغله؟”.
اختتمت مشيرة حديثها، قائلةً: “اللي بيجري على الدور ويعمل أي حاجة حر ما هو أي حاجة موجودة، لكن جيلنا اتعود على حاجة تانية”.
