“بحب دايمًا أبقى مُبهر”.. تعرف على آخر تصريحات حسن أبو الروس
![](https://algomhuria-algdeda.com/wp-content/uploads/2024/02/60DBDA85-F335-41EC-9636-C813875A6FC6-780x470.jpeg)
كتبت/ بسمة غربية
أوضح الفنان حسن أبو الروس سبب إطلالاته المختلفة، التي يطل بها على الجمهور في المسارح والأعمال الفنية، وحتى في المناسبات العامة مثل المهرجانات السينمائية.
تحدث حسن أبو الروس خلال تصريحات صحفية قائلًا: “من وأنا صغير في المدرسة كان عندي باند مع أصحابي، ودايمًا شكله مميز وطريقته، كان اسمه روك اللول، ومعرفش اطلع على المسرح بلبس عادي”.
تابع الفنان: “الناس هتشوفني وتصورني وجايين عشان تشوف اللبس ده، فلازم أديلهم كواليتي وحاجة حلوة، مينفعش يشوفوني على المسرح زي ما بيشوفوني وأنا خارج، أنا بقدر المسرح أوي وبحب الناس تيجي تتبسط وتنبهر، وبحب دايمًا أبقى مُبهر عشان أضيف للناس حاجة”.
أكمل حسن: “طبعًا بتكلف جدًا ومجهود ووقت، اللي أغلى من الفلوس هما الفنانين اللي بيشتغلوا معايا، كل اللي بيعملولي لبسي هما فنانين في مجال الأزياء والموضة، وعندي جاكيت معمول في 80 ساعة مكون من اللولي والصدف، ومبحسبش الحاجة غالية فلوس، ولكن أنا بقدر المجهود”.
أردف أبو الروس: “معظم هدومي معمولة، ودايمًا عندي قصة في اللي بلبسه، عمري ما نزلت محل اشتريت حاجة في حياتي، وحتى الجاكيت اللي أنا لابسه مكتوب عليه الأرض أرضي عشان فلسطين”.
جدير بالذكر أن حقق حسن أبو الروس نجاحًا ملحوظًا بمشاركته في مسلسل “حالة خاصة” مع الفنانة غادة عادل وطه دسوقي، ولعب دور رجل يدعى عز ويكون محاميًا في مكتب غادة.