هاني خليفة يكشف تفاصيل فيلم “رحلة 404”
كتبت / أسماء حليمة
كشف المخرج هاني خليفة عن تحضيرات وكواليس فيلم “رحلة 404″، موضحًا أن العمل مختلف عن أي عمل آخر، وغير تقليدية.
وقال هاني خليفة: “هي قصة مش شبه حاجة وحسيت أنه هيكون قصة مختلفة من وقت لما قرأت سيناريو محمد رجاء، زمان استغربت القصة وحسيتها عجيبة جدًا، ومحسيتش إنها اتعملت في فيلم قبل كده”.
وأضاف خليفة: “وقت ما اتعرضت عليا القصة زمان من محمد رجاء لقيتها مختلفة جدًا ومش تقليدية، وموجود في تاريخ السينما المصرية، أفلام كتير ملهاش شبه، والفيلم ده يناقش صعوبة الدنيا والاختبارات اللى ربنا بيحطك فيها”.
وعن رأيه في تحضيرات العمل أوضح هاني خليفة: “حضرنا أنا ومنى زكى، ذاكرنا، قلقنا، خوفنا، ولكن كانت الشخصية بعيدة جدًا عنها، وده كان شيء مغري ليا وليها”.
وتابع هاني: “قلنا نجرب شيء مختلف، وإزاي هيطلع منها وشكله إيه، والجمهور هو اللى يقدر يحكم على ده وإحنا عملنا أقصى ما نستطيع”.
أبطال فيلم “رحلة 404”
شارك في العمل عدد من النجوم أبرزهم، مني زكي، محمد فراج، محمد ممدوح، شيرين رضا، خالد الصاوي ومحمد علاء مع حسن العدل، سما إبراهيم، شادي ألفونس، رنا رئيس، جيهان الشماشرجي وعارفة عبد الرسول، وهو من تأليف محمد رجاء وإخراج هاني خليفة.
