“على رأسي وعلى رأسنا كلنا”.. أنغام تعرب عن سعادتها بحصولها على الإقامة الذهبية من السعودية
كتبت – بسمة غربية
أعربت أنغام عن سعادتهما البالغة لحصولها على الإقامة الذهبية من المملكة العربية السعودية، بعد إحيائهما حفلًا مشتركًا أمس في الرياض.
وقالت الفنانة خلال المؤتمر الصحفي: “تجربة مختلفة وجميلة وراقية ومكنش ينفع تتعمل إلا إذا الرصيد كبير ولازم صوتين يكونوا بيحبوا بعض ولايقين على بعض”.
أكملت أنغام: “وبشوف تامر عاشور من أكتر الفنانين اللي أنا بشوفهم بحبهم وبحترمهم وبشوفهم قادرين في زمن قصير وماشاء الله عمل رصيد كبير وعمل موسيقى محترمة واغنيته بتطلع على المسرح قيمة جدًا ولما اخترنا بعض نعمل ده على المسرح كنت شايفة إنه هو ده الأنسب والاجمل والحمد لله وفقنا”.
وتابعت الفنانة عن حصولها للإقامة الذهبية من السعودية: “مفيش شكر يوفي المملكة على كل اللي بتقدمه للفن وللفنانين وللموسيقى بالأخص وتقديرها واحترامها للفنانين المصريين وأنا منهم على رأسي وعلى رأسنا كلنا واللي شايفين الدنيا صح وبالطريقة المظبوطة بالقلب النقي والصافي واللي شايف مستقبل مصر والمملكة مستقبل كبير وعظيم في ضهر بعض وسند لبعض بالتأكيد إنه شرف كبير ليّا إني أخد إقامة ذهبية من المملكة”.
وأكملت أنغام: “ولو إني بشوف إني بنت البلد وأنا عمري ما حسيت إني غريبة ولا غريبة على البلد ولا أهلها ولكن الإقامة الرسمية اكيد فرحتني”.
