نادرين فرج: “التمثيل شاددني أكتر وعايزة أطور موهبتي قدام الكاميرا”
كتبت / آلاء رضا
كشفت الإعلامية ناردين فرج، عن إمكانية تركها مجال الإعلام والتفرغ لأعمالها الفنية، مؤكدة أنها راضية تمامًا عن ما وصلت له كإعلامية.
قالت فرج، في تصريحات خاصه له: “أنا نادرين كإعلامية بقالي أكتر من 10 سنين، وكممثلة بقالي نحو 5 سنين، فمقدرش أقارن 12 سنة بـ 5 سنين، وأنا لسة محتاجة كتير أوي في التمثيل علشان أوصل لحتة أنا راضية فيها عن نفسي”.
أضافت: لكن كإعلامية أنا راضية عن نفسي جدًا، وشايفة إن أنا مفيش حاجات نفسي أعملها معملتهاش، ولسة مخدتش قرار إذا كنت هسيب الإعلام، وأكمل كممثلة”.
أستكملت: “التمثيل شاددني أكتر، وعايزة أطور من موهبتي ومع الخبرة بتطوري وقدام الكاميرا بتطوري، وكإعلامية أنا خدت خبرة كبيرة أوي، ولكن مش حاسة إني عايزة أبطل حاجة خاصة إني مقلة أوي في الإذاعة وبختار اللي نفسه أعمله”.
آخر أعمال ناردين فرج
يعتبر مسلسل “صوت وصورة”، هو آخر أعمال الفنانة ناردين فرج، والذي عُرض الفترة الماضية وحقق نجاحًا كبيرًا منذ عرض أولى حلقاته.
مسلسل صوت وصورة ناقش عددًا كبيرًا من القضايا أبرزها مخاطر مواقع التواصل الاجتماعي، وتعامل الأطفال معها، وتعامل الآباء مع أولادهم بعد الانفصال، وغيرها من القضايا والظواهر الاجتماعية، التي نعاصرها، لذلك لقي العمل إقبالًا من الجمهور.
أبطال مسلسل صوت وصورة
المسلسل بطولةكلًا من: حنان مطاوع، صدقي صخر، عمرو وهبه، ناردين فرج، مراد مكرم، وليد فواز، نجلاء بدر، فدوى عابد ومن تأليف محمد سليمان عبد المالك، وإخراج محمود عبد التواب.
