راس مال الفنان هو حُب الناس.. محمد رمضان يحاول الوصول إلى هدنة بين بيومي فؤاد ومحمد سلام
كتبت/ مي السايح
ظهر الفنان محمد رمضان خلال الساعة الماضية، في مقطع ڤيديو، يحاول فيه أن يقوم بتهدئة الأمور بين الفنانيين محمد سلام وبيومي فؤاد، وذلك بعد مهاجمة الفنان بيومي فؤاد لمحمد سلام في مسرحية زواج اصطناعي.
وقال معلقاً في مقطع الفيديو الذي نشره على حسابه الرسمي على الإنستجرام: مساء الخير عليكم، رسالتي لكل جمهوري العربي، راس مال أي فنان هو الناس اللي هما حضراتكم، بنطلب من كل حبايبنا ومن كل اللي حوالينا ومن أبويا وامي يدعوا ان ربنا يحبب فيا الناس ويحبب فيا الجمهور اللي هو حضراتكم”.
وتابع: “شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام.. كلامي عن اخواتي وحبايبي بيومي فؤاد ومحمد سلام وأنا بتشرف بزمالتهم الاتنين”.
وأضاف: “شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام”.
واستكمل حديثه قائلاً:”لا محمد سلام غلط ولا بيومي فؤاد غلط ده احنا لو غلطنا واحنا بنصلي ربنا بيسامحنا ايه اللي هما عملوه عشان كل ده؟ وكل اللي بسمعه خلال الأيام اللي فاتت عن سلام انه مش هيشتغل تاني دا مش هيحصل لا احنا كفنانين هنسمح بدا ولا الجمهور هيسمح بدا ولا احنا مع اللي بيحصل في بيومي بعد ما قفل التعليقات بسبب الانتقادات اللي بتجيله… ياريت نكون أحن من كدة على بعض”.
يُذكر أن، هاجم الفنان بيومي الفنان محمد سلام في نهاية عرض مسرحية “زواج اصطناعي”، بموسم الرياض قائلا: “من حقك أنك تعتذر عن المسرحية لكن مش من حقك أنك تغلط في فنك، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي”.
وكان محمد سلام نشر فيديو قال فيه، إنه كان متوقع أن يتم إلغاء موسم الرياض بسبب الأحداث التي تشهدها غزة، بعد قرار إلغاء مهرجانات كبيرة مثل القاهرة السينمائي والجونة، لكن ذلك لم يحدث فاضطر للاعتذار عن السفر، لأنه لن يستطيع أن يقدم كوميديا ويرقص، تزامنا مع ما تشهده فلسطين من أحداث مؤسفة.
