أنا لا يشرفني أكون زميلة معاك في المهنة.. تعليق كاملة أبو ذكري على رد بيومي فؤاد
كتبت/ مي السايح
انتقدت المخرجة كاملة أبو ذكري، ماقاله للفنان بيومي فؤاد، أثناء حضوره مسرحية زواج اصطناعي، وعن انتقاده للفنان محمد سلام، وذلك بعد أن أثار الجدل خلال الساعات الماضية.
كتبت المخرجة كاملة أبو ذكري على حسابها الرسمي على الفيسبوك: ” الأستاذ الفنان إلي كنت واحده من محبيه…لو حضرتك فاكر إنك لما تعمل عمل إتحضر و إتكتب و إتنفذ في تلات أيام، وتروح تعرضه و ترقص و تغني و تضحك و بعد كده تأخد ألاف الدولارات، لو ده بتسميه فن فأنا لا يشرفني إني أكون زميله لك في هذه المهنه”.
وتابعت:”ولما تكون بتعرض التفاهات دي ده لا يشرف الفن المصري ولما تعرض التفاهه دي و جارك بيدبحوا أطفاله ونساءه ورجاله وتقولي الفن يبقي ماعنديش كلام أقدر أقوله غير إن الإحساس والفن نعمه إنتم أخر ناس تتكلموا عنها”.
يُذكر أن، هوجم الفنان بيومي فؤاد من متابعيه وذلك بسبب انتقاده للفنان محمد سلام، وظهر خلال مقطع فيديو من مسرحية “زواج اصطناعي” التي يشارك بها ضمن فعاليات موسم الرياض قال “أنا فنان مصري وليا الشرف جيت المملكة العربية السعودية وليا الشرف عشان نقدم فننا، إحنا مش جايين نضحك إحنا جايين نقدم فننا … احنا محتاجنكم وانتوا محتاجينا”.
وتابع ” كتر خيركم كتر خيركم، إحنا بنتعب وبنشقى عشان نقدم فن مش عشان نضحك، ولو الموضوع كدا يبقى في فنانين من أيام نجيب الريحاني لحد محمد أنور، مفروض ينتحروا”.
وأضاف “من حقك إنك تعتذر عن المسرحية لكن مش من حقك إنك تغلط في فنك، إحنا مبنجيش علشان نضحك حضراتكم، إحنا بنقدم فننا المصري وانتوا بتحترمونا واحنا بنحترمكم جدا جدا”.
