كريم العدل يوجه انتقادات لاذعة لمحمد صلاح.. عفوا لقد نفذ رصيدكم

كتبت/ مي السايح

وجه المخرج كريم العدل، انتقادات لاذعة، لنجم ليفربول محمد صلاح، وذلك بعد نشر فيديو تأييده للقضية الفلسطينية، وحديثه عن قطاع غزة مساء أمس.

وكتب المخرج كريم العدل على حسابه الرسمي على الإنستجرام: “لازم تبقى فاهم أن احنا لما كنا بنقول لك اطلع اتكلم مكناش عايزينك تتكلم علشان تقول لهم أنك تدين وتشجب ماكناش عايزين تقولهم أنه صعبان عليك الأطفال ومكناش عايزينك تتكلم علشان تريحنا وخلاص”.

وأضاف:”احنا كنا عايزينك تقول بالفم المليان أنا بدعم الشعب الفلسطيني ضد دولة الاحتلال قاتلة الأطفال تقول أن في ابادة جماعية بتحصل لشعب فلسطين تقول أن قطع المياة والكهرباء والاكل وكل اللي بيحصل دة جرايم حرب كنا عايزينك تتكلم وانت ماسك علم فلسطين”.

وتابع كلامه: “اقولك بلاش كل دة كان كل طموحنا أنك تحط علم فلسطين في profile picture على كل وسائل التواصل الاجتماعي علشان يشوفوها ال60 مليون فلوراللي عندك زي عمرو دياب مثلا ما هو مطلعش اتكلم ولا كتب حاجة بس حاطط علم فلسطين منور على حساباته على السوشيال ميديا، وعموما شكر الله سعيكم يا سيدي ومتقولش حاجة تاني بقى”.

وجاء ذلك، أثناء نشر اللاعب محمد صلاح ڤيديو له مساء أمس، يتحدث عن توقف العنف ووقف القتل، وطالب بتقديم المساعدات للشعب الفلسطيني، وانتقده الناس في أنه في موقف حيادي وغير حاسم، وغير واضح في كلامه.