انا مش بتاع تريندات.. الشاعر بهاء الدين محمد يتراجع عن قرار إعتزاله
كتبت/ مي السايح
أعلن الشاعر بهاء الدين محمد عن التراجع عن قرار إعتزاله، الذي قرره منذ اسبوع.
كتب الشاعر بهاء الدين عبر صفحته الرسمية: “مهما توقعت أو حسيت أو تخيلت مش ح أعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار اعتزالي والتركيز فقط على تأملات فى نِعم الله، ورد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللي وصلني من كل مكان وعرفت من خلاله إن ليا مكان في قلوب من حقهم الرفض”.
وأضاف: “ورد الفعل اللى رافض الإعتزال خلانى أتجاوز اللحظة اللى خليتنى أفكر في القرار، كانت لحظة سخيفة اتجمعت فيها أحداث كتيرة مش حلوة ونفوس وقلوب كلها حقد وسواد وغباء في الحياة الفنية والشخصية، وكم كبير من ضعف وطمع ناس مش ناس، وأنا مهما قابلت وكنت قد أي هجوم قذر او بالمعنى الأوضح (وساخة ناس مريضة وكلها غل ونقص) بس حسيت إنى محتاج هدوء، وحسيت في لحظة إني محتاج أعيش لنفسي ومع نفسي بعيد عن أي ظروف تجبرني على الاحتكاك أو معاملة الناس المرفوضه دين وحياة وأخلاق، وأنا مش سهل أوصف ناس بالشكل ده”.
يذكر أن، الشاعر بهاء الدين تعاون مع كبار المطربين والمطربات المصريين والعرب من أبرزهم: “سميرة سعيد، عمرو دياب، أنغام، ايهاب توفيق، محمد فؤاد، محمد منير، شيرين، تامر حسني، چورچ وسوف، راغب علامة، وائل جسار، هيثم شاكر”.
ومن أبرز أغانيه “قالي الوداع، لو عشقاني، ضحكت، حبيبي يا عمري، تنسى واحدة، بتهزر، آه من الفراق”.
