أنا بريء من كل الأغاني اللي قدمتها”.. علي قدورة يعلن اعتزاله الغناء
كتبت / آلاء رضا
أعلن مؤدي المهرجانات علي قدورة ابتعاده عن الغناء واعتزاله أغاني المهرجانات وذلك من أمام الكعبة، متبرئاً من كل أعماله التي قدمها خلال مسيرته الفنية خلال الفترة الماضية.
كتب قدورة عبر صفحته بموقع التواصل الاجتماعي “فيسبوك”: “السلام عليكم في يوم جمعة مبارك أنا على عبدالقادر السيد، الشهير بـعلي قدورة كنت مغني قبل النهارده في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي”.
أضاف: “يارب سامحني عن اي حاجة انا عملتها في حياتي، او اي حاجة صدرت مني، و يارب قربني ليك، وافتحلي باب رزق يرضيك، و مفيهاش حاجة لو بدأت من جديد في اي شغل بالحلال”.
تابع: “أي فلوس معايا أنا هسيبها بالرضا لأهلي ومش عارف هيبقي الصح إيه وهبقى لا أمتلك إلا الصفر وربنا يثبتني في الطريق ده ومش هطول عليكم بس دي نيتي وربنا كريم وكبير وغفور رحيم”.
جدير بالذكر أن علي قدورة ليس المغني الأول الذي يتخذ ذلك القرار خلال الآونة الأخيرة، حيث سبقه المطرب الأردني أدهم النابلسي ومؤدي المهرجانات المصري فارس حميدة.
