خدتي الترند برافو عليكي .. شريف منير يرد علي الإنتقادات التي وجهت لابنته

كتبت/ مي السايح

ظهر الفنان شريف منير في ڤيديو علي صفحته الرسمية يرد به علي كل الإنتقادات التي تعرضت له ابنته “اسما شريف منير”، حيث قال شريف منير خلال مقطع الڤيديو : “إيه الضجة و الدوشة اللي إنتو عاملينها دي، كل ده علشان بنتي قصت شعرها قدام الكاميرا، إيه الغلط اللي عملته، تصرف عادي جدا مفهوش أي حاجة”.

وتابع شريف منير: “اوعوا تفتكروا إن أنا ممكن آجي على بنتي علشان خاطر أكسب رضاكم، دي بنتي اللي مليش غيرها واللي بحبها، وبالمناسبة اللوك عاجبني وأنا مبسوط منها أوي”.

واستكمل حديثه قائلا: “ريحوا نفسكو واهدوا شوية، اللي حصل من بنتي مش غلط، وهي حرة في نفسها، وبنتي عندها 36 سنة وأم ومسؤولة عن نفسها، أنا أب مسؤول إني أحميها، وهي حرة في تصرفاتها.

وذلك بعد أن ظهرت أسما شريف منير في ڤيديو انتشر لها علي مواقع التواصل الإجتماعي تقوم فيه بحلاقة شعرها كاملاً، معلقة أنها لن تندم علي فعل ذلك، وأنها تعلم أنها ستكون ترند.

حرصت أسما شريف منير علي حضور مهرجان القاهرة للدراما في فعاليته الثانية، والذي أقيم في مدينة العلمين.