مروة صبري تهاجم نجل حلمي بكر بسبب تجاهله لمرض والده
كتبت/ بسمة غربية
هاجمت الإعلامية مروة صبري هشام حلمي بكر، نجل الموسيقار الراحل حلمي بكر، الذي عاد إلى مصر مؤخرًا من الولايات المتحدة الأمريكية، بعد وفاة والده لكي يحضر جنازته.
تحدثت مروة صبري خلال برنامج “قعدة ستات” قائلةً: “لما ابن يعرف إن أبوه عيان من سنة ومينزلش يشوفه دي حاجة عجيبة، لما تشوف أبوك عيان أجري عليه والحق يومين تبقى جنبه تبوس إيده وتقول له ادعيلي، ولو شايف إن مراته بتعذبه انزل الحقه”.
تابعت الإعلامية: “هل إنت يا أستاذ هشام كنت مستني والدك يتوفى علشان تنزل وتدفنه، ولا إنت نازل علشان الورث”.
وأردفت مهاجمةً أرملة حلمي بكر قائلةً: “كل اللي حصل ده علشان إيه؟ علشان حضرتك يا أستاذة سماح عايزاه يكتب لك بيت تحت تأثير المرض، وعايزة تفضلي متخفظة عليه وتضغطي على أهله علشان تاخدي حقك، هو إحنا عايشين في دنيا ولا بقينا عايشين في غابة”.
جدير بالذكر أن عزاء الموسيقار حلمي بكر أقيم في مسجد الحامدية الشاذلية، بحضور وزيرة الثقافة نيفين الكيلاني، وأعضاء مجلس نقابة المهن الموسيقية، وفي مقدمتهم الفنان النقيب مصطفى كامل، ونادية مصطفى، وحلمي بكر، وعدد من الفنانين.
