يجرى إيه لو نخلص الشغل وبعدين تصلوا.. تصريحات نارية من إلهام شاهي في سابع سما

كتبت/ مي السايح

حلّت الفنانة إلهام شاهين ضيفة في برنامج “سابع سما” مع راغدة شلهوب عبر قناة “النهار”، وردت بتصريحات مثيرة للجدل حول رأيها في ترك العمل للصلاة.

وقالت إلهام شاهين عن الواقعة التي حدث وبسببها كان تصريحاتها عن الصلاة: “المضحك بالنسبة ليا أن دا حصل من 20 سنة، ويمكن أكتر كنت بعمل مسلسل ودا كان بالنسبة ليا شيء جديد ومختلف، كنا في نص مشهد وحد غلط وهنعيد، فطولوا وإحنا قاعدين قدام الكاميرا مستنين وبعدها المصورين خرجوا وأطفت الأنوار وخرجت أشوف في إيه لقيت المخرج جامع الناس في الاستديو وبيصلوا جماعة، استنيتهم يخلصوا ورحنا خلصنا المشهد وقلت رأيي بعدها”.

وأكملت إلهام شاهين: “قلت لهم إن المشهد كان ممكن يخلص بعد 5 دقايق أو 10 دقايق كان يجرى إيه لو نخلص الشغل وبعدين تصلوا أنا مش بمانع أن حد يصلي إحنا في مصر بنصلي ممكن مش أول ما الأذان يأذن”.

وتابعت: “ممكن لو حد عنده شغل أو حاجة بيخلصها وعنده وقت كافي بين صلاة الظهر والعصر في حوالي 3 ساعات ونص يصلي في أي وقت خلال الـ3 ساعات ونص في وقت بين مواعيد الصلوات مسموح لنا ربنا إدانا هذه الرخصة أن نصلي في أي وقت دا اللي أنا قلته، مش بقول قضاء ولا بقول يضيع ميعاد الصلاة أبدا لكن مش بالضرورة بمجرد أن الأذان يأذن نصلي لأن ربنا مدينا الرخصة دي”.

وعن تعليق الفنان دياب وحديثه عن أن التصوير أحيانا يتعطل بسبب أن فنانة تقوم بوضع المكياج، قالت إلهام شاهين:” أعمل قناعاتك اللي أنت شايفه صح أعمله أنا رأيي غير ملزم لحد رأيي يخصني أنا كل واحد حر”.